2011兔年十二生肖運程~~~~豬

2011兔年十二生肖運程~~~~豬

豬~~~~~姻緣桃花

投石問路好時機,生合桃花表心思。

心思已表名有正,成功與否在後勁。

生旺半合欠場地,酒紅餐廳食羊肉。

豬兔見羊三合局,相方姻緣合其中。

豬於兔年為生旺半合,有了生機,就自然說明有了開始,若然事情冇開始,千般說話皆為虛。若然你說,現今與伴侶,甜甜蜜蜜,有了第三者開始,咪大大可樂。非也!非也!這個開始,不是指第三者介入的開始,因為只是半合之局,就算有第三者介入,又如何?只是介入到一半而已,好快佢就知難而退,因為不成合局,是也。此開始就是指,你叫伴侶做豬豬,佢也叫你做豬豬,你們豬來又豬去,甜蜜到死,小心有人唔低得,而打到你們變豬頭丙。總之你們少理樓價點點點,拿拿臨走去婚姻註冊處,去開始你的家庭生活啦!

屬豬在虎年六合之時竟然找不到伴侶,現在還是單身,如何是好?這可能是你的生活情況,比較少接觸異性,冇理由三唔識七,有拍拖的可能,但到了今年比虎年有少不同的地方,就是不必擔心自己的生活圈子沒有異性選擇拍拖的機會,因為生旺半合,是有合而不成合,欠了一個介紹人,三人才成為三合局,而上年是六合,是自己而得,今年是由朋友介紹而得,Table for six 都可算是中介人,可考慮。今年屬豬的朋友,放膽去追求自己需要戀愛的開始吧!

豬~~~~~事業工作

轉工,又來啦喎,上年轉完又轉,虎年好黑仔咩,如果真係好黑仔的,今年都是差不多啦,忍忍啦,轉來轉去,都係咁黑架啦,鬼叫太歲合住你咩,阻住你發揮,都冇計架,再等多一年囉,黑咪佢,就冇事。

那邊箱的豬豬,在虎年好好彩喎,玩下股仔就有$$$ ,轉下工又多 d 薪水,真係魚唔過糖唔會肥。虎年得老闆睇重,今年又來,真係好彩好彩,恭喜恭喜。

呢 d 咪叫做,大家都係豬,一個黑仔到爆,一個happy 到爆。睇睇自己上年是黑定好彩,就知道今年大約都是好此。

豬~~~~~身體健康

講到黑豬,今年同上年都係差不多啦,常常小病在身,冇計啦,太歲合囉,咪就是病合住自己囉,已經好黑仔架啦,仲要常常病,好辛苦喎。知道左是因為太歲等於小病合,好簡單姐,病來合豬,就沖走左 d 病咪ok囉。點沖呀?咪係去公園在跑步道上,係咁衝跑囉,就是這麼簡單。

(210)

Author: admin